Lang houts dauert owa as Watten hout si rentiert!
Lang hom wir Owapfölzer wattn mäin bis an Asterix in unserm Dialekt gem hout. Owa des Wattn hout si rentiert. Asterix und as bäihmische Schüddl is einfach saulustig, und vom Christian „Weiti“ Witt echt subber iwasetzt! Am Anfang dout ma si a weng schwaach mim lesn, owa wenn ma mal drin is dann gäids fast vo aloi und so schnell schaut ma gor niad und ma is durch durch des Bäichl. Falls oin doch nu irgendwos wai a bäihmischs Dorf virkummt, dann is hintn a kloins Wertabäichl zum Nouschlong drin. Hoffentlich is des ner des erschte vo vülle owapfölzer Asterixbäichln. I kanns kam dawattn bis as zworte gibt!